У рамках узаемадзеяння з падшэфнымі ўстановамі адукацыі на следча-экспертным факультэце пабываў кадэцкі клас сярэдняй школы № 68 Мінска.
У аўторак, 12 чэрвеня, для вучняў кадэцкіх класаў сярэдняй школы № 68 Мінска была арганізавана экскурсія на следча-экспертным факультэце. Госці пазнаёміліся з умовамі жыцця курсантаў, распарадкам дня, выглядамі навучальных заняткаў, спецыфікай рыхтоўлі будучых афіцэраў на факультэце. Вядома ж, СЭФ паказаў рабятам сваю матэрыяльна-тэхнічную базу. Школьнікі пабывалі ў спартыўнай зале, на крыміналістычных палігонах, даведаліся, як праходзяць практычныя заняткі па крыміналістыцы і арганізацыі расследавання злачынстваў.
- Усе ўстановы вышэйшай адукацыі зацікаўлены ў тым, каб да іх паступалі матываваныя абітурыенты. Мы таксама робім усё магчымае, каб ужо з 5 класа дзеці імкнуліся стаць курсантамі. Падобныя экскурсіі заўсёды ўлучаюць змястоўны аповяд пра службу ў праваахоўных органах, умовах навучання і жыцця будучых афіцэраў, - адзначыў памочнік начальніка факультэта па працы з моладдзю Міхал Клішэвіч.
Рабяты задавалі шмат пытанняў, напрыклад, цікавіліся, што такое крыміналістыка і як навучаюць курсантаў расследаваць злачынствы. Дарэчы, дэталёвыя адказы школьнікі таксама атрымаюць падчас запланаванай экскурсіі ў музей крыміналістыкі, размешчаны на тэрыторыі факультэта.
Віталь Руцкі, 4 курс.
Фота Кацярыны Мiсевaй, 3 курс